ព័ត៌មានតាមបណ្តារខេត្ត

បាត់ដំបង៖ កម្លាំងនគរបាលស្រុកឯកភ្នំ បានស្រាវជ្រាវចាប់ខ្លួនជនសង្ស័យម្នាក់ ពាក់ព័ន្ធករណីលួចគាស់ផ្ទះប្រជាពលរដ្ឋ ខណៈម្ចាស់មិននៅ ដោយយកទ្រព្យសម្បត្តិមួយចំនួន កាលពីសប្តាហ៍មុន។

បាត់ដំបង៖ ជនសង្ស័យប្រុសស្រី ៥ នាក់ ពាក់ព័ន្ធការជួញដូរគ្រឿងញៀន ត្រូវកម្លាំងជំនាញនៃស្នងការនគរបាលខេត្តបាត់ដំបង រៀបចំសំណុំរឿងបញ្ជូនរួមជាមួយវត្ថុតាងគ្រឿងញៀន ២ កញ្ចប់ ទៅកាន់តុលាការខេត្ត ដើម្បីចាត់ការតាមច្បាប់ នារសៀលថ្ងៃទី ២៩ ខែឧសភា ឆ្នាំ ២០២៦។

បាត់ដំបង៖ ឯកឧត្តម សុខ លូ អភិបាលខេត្តបាត់ដំបង បានទទួលជួបពិភាក្សាការងារជាមួយក្រុមការងារអន្តរក្រសួង និងអង្គការដៃគូ ដើម្បីជំរុញការអនុវត្តគម្រោងសាកល្បងអភិវឌ្ឍន៍លំនៅឋានសង្គម ក្នុងគោលបំណងដោះស្រាយបញ្ហាទីលំនៅជូនប្រជាពលរដ្ឋក្រីក្រ និងអ្នកដែលបានស្ម័គ្រចិត្តរុះរើចេញពីតំបន់សំណង់មិនរៀបរយនៅក្នុងក្រុងបាត់ដំបង។

នៅព្រឹកថ្ងៃទី២៩ ខែឧសភា ឆ្នាំ២០២៦ កម្លាំងកងរាជអាវុធហត្ថខេត្តកំពង់ចាម និងកម្លាំងមូលដ្ឋានកងរាជអាវុធហត្ថក្រុងកំពង់ចាម ដឹកនាំដោយលោកវរសេនីយ៍ទោ សែម ឃាង នាយសេនាធិការរងកងរាជអាវុធហត្ថខេត្តកំពង់ចាម សហការជាមួយគណៈគ្រប់គ្រងវិទ្យាល័យ បានធ្វើការផ្សព្វផ្សាយអប់រំដល់លោកគ្រូ អ្នកគ្រូ និងសិស្សានុសិស្ស នៅវិទ្យាល័យ ហ៊ុន សែន អនុវត្ត ស្ថិតនៅក្រុងកំពង់ចាម ខេត្តកំពង់ចាម ។

មន្ត្រីជំនាញខណ្ឌរដ្ឋបាលជលផលកំពង់ចាម សហការជាមួយអធិការដ្ឋានរដ្ឋបាលជលផលមេគង្គ និងអាជ្ញាធរស្រុកកំពង់សៀម សហគមន៍នេសាទវិហារធំ ថ្ងៃទី២៨ ខែឧសភា ឆ្នាំ២០២៦ នេះ បានចុះប្រតិបត្តិការបង្ក្រាបបទល្មើសជលផល បានចុះរុះរើ និងបំផ្លាញចោលនូវឧបករណ៍ខុសច្បាប់ នៅនឹងកន្លែង ចំនួន ០២ករណី នៅក្នុងឃុំវិហារធំ ស្រុកកំពង់សៀម ។

(កំពង់ចាម)៖ រសៀលថ្ងៃព្រហស្បតិ៍ ទី២៨ ខែឧសភា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាលខេត្ត និងជាប្រធានគណៈកម្មាធិការសាខាកាកបាទក្រហមខេត្តកំពង់ចាម រួមដំណើរដោយឯកឧត្តម លោកជំទាវ អនុប្រធាន សមាជិក សមាជិកាគណ:កម្មាធិការសាខា លោក ភោគ សាវុធ ប្រធានគណៈកម្មាធិការអនុសាខាស្រុក និងក្រុមការងារ បានអញ្ជើញចុះជួបសួរសុខទុក្ខ និងនាំយកអំណោយមនុស្សធម៌ដ៏ថ្លៃថ្លា របស់សម្តេចកិត្តិព្រឹទ្ធបណ្ឌិត ជូនពលរដ្ឋរងគ្រោះដោយខ្យល់កន្ត្រាក់ ៥២គ្រួសារ រស់នៅភូមិ អូរស្វាយលិច ៤៦គ្រួសារ និងភូមិ អូរស្វាយកើត ៦គ្រួសារ ស្ថិតក្នុងឃុំព្រែកកុយ ស្រុកកងមាស ដែលកម្មវិធីប្រព្រឹត្តទៅនៅក្នុងបរិវេណវត្តអូរស្វាយ ឃុំព្រែកកុយ ជាទីដែលអារាមនេះក៏ត្រូវរងគ្រោះដោយខ្យល់កន្ត្រាក់ ផងដែរ។

នៅព្រឹកថ្ងៃទី២៨ ខែឧសភា ឆ្នាំ២០២៦ លោក លី សារ៉ារិទ្ធ អភិបាលរងខេត្ត តំណាងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បាននាំយកថវិកាបរិច្ចាគ ពីថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ បងប្អូនប្រជាពលរដ្ឋ និងសប្បុរសជនក្នុងខេត្តកំពង់ចាម ផ្ដល់ជូនមូលនិធិគន្ធបុប្ផាកម្ពុជា ក្នុងពិធីបើកយុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៦ ក្រោមអធិបតីភាព លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា នៅសណ្ឋាគារ Raffle Hotel Le Royal Phnom Penh។

បាត់ដំបង៖ កម្លាំងចម្រុះ ដែលមានលោកអភិបាលរងខេត្ត ស្នងការខេត្ត អាវុធហត្ថខេត្តបាត់ដំបង និងតំណាងព្រះរាជអាជ្ញារង បានចុះពិនិត្យផ្ទះមួយកន្លែង ដែលមានជនបរទេសជួលស្នាក់នៅ ស្ថិតនៅក្រោយផ្សារភួពុយ ភូមិចំការសំរោង ២ សង្កាត់ចំការសំរោង ក្រុងបាត់ដំបង កាលពីព្រឹកថ្ងៃទី ២៨ ខែឧសភា ឆ្នាំ ២០២៦។

បាត់ដំបង៖ ឯកឧត្តម សុខ លូ អភិបាលខេត្តបាត់ដំបង បានស្នើសុំដល់មន្រ្តីជាន់ខ្ពស់ធនាគារអភិវឌ្ឍន៍អាស៊ី (ADB) ពន្លឿនការដេញថ្លៃ និងស្ថាបនាផ្លូវក្នុងក្រុងបាត់ដំបង ដែលស្ថិតក្នុងគម្រោង ២១ ខ្សែ នៅខែមិថុនា ឆ្នាំ ២០២៦។

បិទផ្សាយ ជាសាធារណៈនូវឯកសារនៃការវិនិច្ឆ័យ ក្នុងឃុំសាលាក្រៅ ស្រុកសាលាក្រៅ

បាត់ដំបង៖ មន្ទីរសាធារណការ និងដឹកជញ្ជូនខេត្តបាត់ដំបង បានអំពាវនាវ និងលើកទឹកចិត្តឱ្យប្រជាពលរដ្ឋប្រើប្រាស់ប្រព័ន្ធពាក់កណ្ដាលស្វ័យប្រវត្តិកម្ម (អនឡាញ) សម្រាប់ការស្នើសុំប្រឡងបណ្ណបើកបរ និងការត្រួតពិនិត្យលក្ខណៈបច្ចេកទេសយានយន្ត (ឆៀក)។ ការអំពាវនាវនេះធ្វើឡើង ខណៈដែលបច្ចុប្បន្ន ការយល់ដឹង និងការប្រើប្រាស់ប្រព័ន្ធឌីជីថលនេះនៅមានកម្រិតទាប។

ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជា ខេត្តកំពង់ចាម នៅព្រឹកថ្ងៃទី២៨ ខែឧសភា ឆ្នាំ២០២៦ នេះ បានអញ្ជើញជាអធិបតី ក្នុងឱកាសប្រារព្ធទិវាអតីតយុទ្ធជន និងនិវត្តជនកម្ពុជា លើកទី១៩ ឆ្នាំ២០២៦ នៅសាលាស្រុកស្ទឹងត្រង់ ដែលមានការចូលរួមពីថ្នាក់ដឹកនាំខេត្ត ថ្នាក់ដឹកនាំស្រុក និងអតីតយុទ្ធជន និងនិវត្តជន ប្រមាណជាជាង ២០០នាក់ ។