ព័ត៌មានក្នុងខេត្ត

អភិបាលរងខេត្តតាកែវលោក មូល វិចឹត្រ បានធ្វើការជម្រុញនិងលើកទឹកចឹត្តដល់ទណ្ឌិតដែលកំពុងតែជាប់ឃុំនៅក្នុងពន្ធនាគារខេត្តតាកែវ ត្រូវខិតខំសិក្សាលើផ្នែកជំនាញវិជ្ជាជីវៈឲ្យបានច្បាស់លាស់ ព្រោះនៅពេលដែលយើងចេញពីពន្ធនាគារ យើងនឹងអាចស្វែងរកការងារបានធ្វើ និងទទួលបានប្រាក់ខែសមរម្យ សម្រាប់ទ្រទ្រង់ជីវភាពគ្រួសារផងដែរ។

ឯកឧត្តម ប៊ុន ហុន រដ្ឋលេខាធិការក្រសួងមហាផ្ទៃ បានសម្ដែងការកោតសើរ និងវាយតម្លៃខ្ពស់ដល់អាជ្ញាធរខេត្តតាកែវ បានខិតខំប្រឹងប្រែងគៀងគរបណ្ដាអ្នកវិនិយោគគិន ក្នុងនិងក្រៅប្រទេសមកបណ្ដាក់ទុកក្នុងខេត្តកាន់តែច្រើន ដើម្បីបង្កើនសេដ្ឋកិច្ច និងផ្ដល់ឱកាសការងារដល់ប្រជាពលរដ្ឋ។

នៅក្នុងកិច្ចប្រជុំត្រួតពិនិត្យការអនុវត្តតួនាទីភារកិច្ចប្រចាំសប្តាហ៍ទី៣ ខែតុលា និងលើកទិសដៅការងារបន្ត ដែលរៀបចំធ្វើឡើងនារសៀលថ្ងៃទី២១ ខែតុលា ឆ្នាំ២០២៥ លោកឧត្ដមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ បានបេ្តជ្ញាបង្ការ បង្ក្រាបគ្រឿងញៀន ក្មេងទំនើង ល្បែងស៊ីសងគ្រប់ប្រភេទ បទល្មើសOnlineScams និងបន្តពង្រឹងកម្លាំងត្រៀមអន្តរាគមន៍ ២៤ ម៉ោង ។

ឯកឧត្តម វ៉ី សំណាង អភិបាលខេត្តតាកែវបានធ្វើការណែនាំដល់កងកម្លាំងប្រដាប់អាវុធទាំងអស់ បន្តយកចិត្តទុកដាក់ហ្វឹកហាត់ឲ្យបានក្លាំងក្លាបន្ថែមទៀត ពោលធ្វើយ៉ាងណា ពង្រឹងនិងពង្រីកសមត្ថភាពរបស់ខ្លួនឲ្យបានល្អប្រសើរ ដើម្បីចូលរួមការពាររាជរដ្ឋាភិបាលស្របច្បាប់និងប្រទេសជាតិពីការឈ្លានពានពីបរទេសប្រទេសជិតខាង។

ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានមានប្រសាសន៍ថា ខេត្តតាកែវ នឹងចាប់ផ្ដើមអនុវត្តប្រព័ន្ធបច្ចេកវិទ្យាឌីជីថលសំខាន់ៗចំនួន ២ ដើម្បីជំរុញការផ្តល់សេវាសាធារណៈជូនប្រជាពលរដ្ឋ។

តាកែវ ៖ នៅព្រឹកថ្ងៃព្រហស្បតិ៍ ទី២៣ ខែមេសា ឆ្នាំ២០២៦ នេះ នៅសាលប្រជុំតូចរដ្ឋបាលខេត្ត ឯកឧត្តម យស ណាស៊ី ប្រធានក្រុមប្រឹក្សាខេត្ត និង ឯកឧត្តម វ៉ី សំណាង អភិបាល នៃគណៈអភិបាល ខេត្តតាកែវ បានអញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី តាមប្រព័ន្ធបញ្ជូនរូបភាព និងសម្លេង (Video Conference)។

ឯកឧត្តម វ៉ី សំណាង អភិបាលខេត្តតាកែវ នៅព្រឹកថ្ងៃសុក្រ ទី២៨ ខែមីនា ឆ្នាំ២០២៥ បានដឹកនាំក្រុមការងារ និងមន្រ្តីជំនាញ ចុះពិនិត្យមើលការប្រមូលផលដំណាំ ពោត របស់បងប្អូនប្រជាកសិករ នៅក្នុងឃុំកំពង់រាប ស្រុកព្រៃកប្បាស ខេត្តតាកែវ ។

នៅសាលាឃុំអូរសារាយ ស្រុកត្រាំកក់ ខេត្តតាកែវ រដ្ឋបាលខេត្តតាកែវ និងក្រសួងរៀបចំដែនដី នគរូបនីយកម្ម និងសំណង់ បានរៀបចំបើកកិច្ចប្រជុំសម្របសម្រួលដោះស្រាយបញ្ចប់វិវាទដីធ្លីដ៏រ៉ាំរ៉ៃមួយដែលអូសបន្លាយជាយូរមកហើយ រវាងប្រជាពលរដ្ឋចំនួន៤៥គ្រួសារ រស់នៅភូមិឫស្សីមួយគុម្ព ឃុំអូរសារាយ ស្រុកត្រាំកក់ ខេត្តតាកែវ ដែលទាមទារដីចំនួន៧២ហិកតាពីឈ្មោះ ទេព សុខន និង តូច រ៉ាន់វ៉ា ក្រោមអធិបតីភាពរបស់ឯកឧត្តម វ៉ី សំណាង អភិបាលនៃគណៈអភិបាលខេត្តតាកែវ លោក សុំ មនោរម្យ នាយករងខុទ្ទកាល័យក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី០១ ខែមេសា ឆ្នាំ២០២៥ ដោយមានការចូលរួមពីអភិបាលរងខេត្តតាកែវ ប្រធាន-អនុប្រធានមន្ទីរអង្គភាពពាក់ព័ន្ធ អភិបាល-អភិបាលរងស្រុកត្រាំកក់ កងកម្លាំងប្រដាប់អាវុធ មន្ត្រីរាជការពាក់ព័ន្ធ និងប្រជាពលរដ្ឋចូលរួមផងដែរ។

តាកែវ ៖ ក្នុងកិច្ចប្រជុំក្រុមប្រឹក្សាខេត្តតាកែវ នៅថ្ងៃអង្គារ៍ ទី៨ ខែកក្ដដា ឆ្នាំ២០២៥ សមាជិកក្រុមប្រឹក្សាខេត្ត បានសម្ដែងការគាំទ្រ ចំពោះរាជរដ្ឋាភិបាលកម្ពុជា ក្នុងការដោះស្រាយជម្លោះព្រំដែន ជាមួយប្រទេសថៃ តាមរយៈការប្ដឹងទៅតុលាការអន្តរជាតិ ICJ និងបានគាំទ្រដល់វិរៈភាព របស់កងទ័ព ដែលឈជើងការពារព្រំដែន នៅសមរភូមិមុខ។

តាកែវ៖ នៅក្នុងឱកាសអញ្ជើញចុះសួរសុខទុក្ខ និងនាំយកអំណោយជាគ្រឿងឧបភោគ បរិភោគ ថវិកាមួយចំនួនចែកជូនដល់បងប្អូនភៀសសឹក នឹងគ្រួសារវីរកងទ័ព ២០៥គ្រួសារ នៅឃុំតាភេម និងឃុំត្រពាំងក្រញ៉ូង ស្រុកត្រាំកក់ ថ្ងៃទី២៣ ខែធ្នូ ឆ្នាំ២០២៥នេះ ឯកឧត្តម វ៉ី សំណាង អភិបាល នៃគណៈអភិបាល ខេត្តតាកែវ បានលើកឡើងថា សន្តិភាព ដែលយើងកំពុងមាននៅពេលនេះ គឺជារតនសម្បត្តិដ៏វិសេស វិសាលបំផុត ដែលមនុស្សគ្រប់រូបមិនត្រូវមើលរំលងឡើយ។

តាកែវ ៖ នៅក្នុងឱកាសអញ្ជើញប្រគល់ប័ណ្ណសម្គាល់អចលនៈវត្ថុជូនបងប្អូនប្រជាពលរដ្ឋប្រមាណជិត២ពាន់ប័ណ្ណនៅភូមិព្រៃក្ដួច ឃុំត្រពាំងក្រញូង ស្រុកត្រាំកក់ នៅថ្ងៃទី១២ ខែសីហា ឆ្នាំ២០២៥ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានលើកឡើងថា នៅពេលដែលយើងលើកពាក្យសន្តិភាព ឬអគុណសន្តិភាពមកនិយាយ មានមនុស្សមួយចំនួនជាពិសេសយុវជនខ្លះ បានចាត់ទុកថា ពាក្យនេះ ជាពាក្យរបស់រាជរដ្ឋាភិបាល ក៏ប៉ុន្តែនៅពេលដែលមានសង្រ្គាម ៥ថ្ងៃ ជាមួយសៀមទើបធ្វើពួកគេយល់ពីតម្លៃនៃពាក្យសន្តិភាពពិតប្រាកដ។

តាកែវ៖ បន្ទាប់ពីទទួលបានដំណឹងវីរកងទ័ព ដ៏អង់អាចក្លាហានបានរងរបួសដោយសារផ្សែងពុល និងគ្រោះថ្នាក់អំឡុង ពេលបំពេញភារកិច្ចនៅសមរភូមិមុខ ការពារបូរណភាពទឹកដី បានមកសម្រាកព្យាបាលនៅមន្ទីរពេទ្យបង្អែកស្រុកគិរីវង់ និងសម្រាកព្យាបាលនៅគេហដ្ឋាននៅស្រុកទ្រាំង ខេត្តតាកែវ នាព្រឹកថ្ងៃសុក្រ ទី១៩ ខែធ្នូ ឆ្នាំ២០២៥ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បាននាំយកអំណោយសម្ភារៈ និងថវិកាមួយចំនួន មកសួរសុខទុក្ខ ដោយផ្ទាល់។