ព័ត៌មានតាមបណ្តារខេត្ត

(មណ្ឌលគិរី)៖ ឯកឧត្តម ថង សាវុន អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពខេត្តមណ្ឌលគិរី បានដឹកនាំកិច្ចប្រជុំស្ដីពីការបង្ក្រាប ទប់ស្កាត់ និងប្រឆាំងបទល្មើសឆបោកតាមប្រព័ន្ធបច្ចេកវិទ្យា Online Scams ក្នុងភូមិសាស្ត្រខេត្តមណ្ឌលគិរី ដើម្បីពង្រឹងសន្តិសុខ និងសុវត្ថិភាពសង្គម ដែលប្រព្រឹត្តទៅនៅសាលប្រជុំសាលាខេត្តមណ្ឌលគិរី នារសៀលថ្ងៃទី១៩ ខែឧសភា ឆ្នាំ២០២៦។ នៅក្នុងកិច្ចប្រជុំដ៏មានសារៈសំខាន់នេះដែរ ក៏មានការអញ្ជើញចូលរួមពីសំណាក់លោក អភិបាលរងខេត្ត, លោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី លោក ឧត្តមសេនីយ៍ត្រី ហែម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគិរី រួមទាំងលោក អភិបាលនៃគណៈអភិបាលក្រុង/ស្រុកទាំង៥ និងលោក អធិការនគរបាលក្រុង/ស្រុកទាំង៥ នៅខេត្តមណ្ឌលគិរីផងដែរ៕

នេះជាទិដ្ឋភាពពីលើអាកាស នៃសួនច្បារកណ្តាល មានរូបរាងផ្ការំដួល ដែលស្ថិតនៅចំពីមុខអគាររដ្ឋបាលនៃសាលាខេត្តមណ្ឌលគិរី ថែមទាំងនៅបរិវេណអគាររៀបចំឡើងយ៉ាងមានសណ្តាប់ធ្នាប់ ព័ទ្ធជុំវិញទៅដោយដើមឈើបៃតងស្រស់ ដែលកំពុងរីកផ្ការំលេចពណ៌ក្រហមឆ្អៅយ៉ាងទាក់ទាញនៅផ្នែកខាងមុខ នេះបង្ហាញពីការយកចិត្តទុកដាក់ក្រោមការដឹកនាំរបស់ឯកឧត្តម ថង សាវុន អភិបាលនៃគណៈអភិបាលខេត្តមណ្ឌលគិរី ៕

សម្ដេចអគ្គមហាសេនាបតីតេជោ ហ៊ុន សែន សង្ឃឹមថា វត្តមានឯកអគ្គរដ្ឋទូតតែងតាំងថ្មីនៃសាធារណរដ្ឋក្រិកប្រចាំនៅកម្ពុជា នឹងជំរុញទំនាក់ទំនងប្រទេសទាំងពីរកាន់តែរីកចម្រើនបន្តទៀត។

AKP កំពង់ស្ពឺ ថ្ងៃទី១៣ ខែឧសភា ឆ្នាំ២០២៦-- ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ និងឯកឧត្តម យឹម សុខុម ប្រធានក្រុមប្រឹក្សាខេត្ត បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រកាសសមាសភាពគណៈកម្មាធិការសមាគមអតីតយុទ្ធជន និងនិវត្តជនកម្ពុជា ក្រុង/ស្រុក ឃុំ/សង្កាត់ ទូទាំងខេត្តកំពង់ស្ពឺ ដោយមានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី ជាប្រធានមន្ទីរអង្គភាពជុំវិញខេត្ត កងកម្លាំងទាំង៣ ព្រមទាំងលោកអភិបាលក្រុង/ស្រុក និងមន្ត្រីឃុំ/សង្កាត់ទាំង៩ នៃខេត្តកំពង់ស្ពឺយ៉ាងច្រើនកុះករ។

ស្រ្តីម្នាក់ដែលមានសម្បុរខ្មៅស្រអែម ឈរនៅក្នុងផ្ទះល្វែងមួយនៃបុរីរោងចក្រ ស្ថិតនៅក្នុងភូមិអូរតាគាំ១ សង្កាត់ទួលតាឯក ក្រុងបាត់ដំបង ដៃម្ខាងកាន់បាយក្តាំងមួយថង់ ដោយបានរៀបរាប់ពីការចាប់ផ្តើមប្រកបមុខរបរធ្វើបាយក្តាំងដោយធ្វើក្នុងមួយថ្ងៃចំនួនមួយឆ្នាំង រហូតឈានដល់ធ្វើបាយក្តាំងមួយថ្ងៃចំនួន៦០០ឆ្នាំង អាចរកប្រាក់ចំណូលផ្គត់ផ្គង់គ្រួសារឱ្យមានជីវភាពធូធាប្រសើរជាងមុន។

ឯកឧត្តមរដ្ឋមន្ត្រី បានសម្ដែងនូវការកោតសរសើរ និងវាយតម្លៃខ្ពស់ចំពោះការលះបង់គ្រប់បែបយ៉ាងរបស់បងប្អូនកងទ័ពទាំងអស់ ក្នុងបុព្វហេតុរក្សាការពារ បូរណភាពទឹកដី និងប្រជាជន ព្រមទាំងបានពាំនាំនូវប្រសាសន៍ផ្តាំផ្ញើសាកសួរសុខទុក្ខ សេចក្តីនឹករលឹក និងពរសព្ទសាធុការពីសំណាក់ប្រមុខថ្នាក់ដឹកនាំកំពូលនៃព្រះរាជាណាចក្រកម្ពុជា ជូនដល់ថ្នាក់ដឹកនាំ ទាហាន ពលទាហាន អតីតយុទ្ធជន និងនិវត្តជនក្នុងអង្គពិធីទាំងមូលផងដែរ។

ទិវានេះត្រូវបានរៀបចំធ្វើឡើងនៅ សាលមហោស្រព រតន: ព្រឹកថ្ងៃទី១៩ ខែឧសភា ឆ្នាំ២០២៦ ក្រោមអធិបតីភាព ឯកឧត្តម ណាប់ ប៊ុនហេង ប្រធានក្រុមប្រឹក្សាខេត្ត និង ឯកឧត្តម ញ៉ែម សំអឿន អភិបាលខេត្តរតនគិរី និងជា ប្រធានគណ:កម្មាធិការខេត្ត ប្រយុទ្ធប្រឆាំងអំពើជួញដូរមនុស្ស។

ឯកឧត្តម នួន ផារ័ត្ន អភិបាល នៃគណៈអភិបាលខេត្តកំពង់ធំ បានអញ្ជើញជាអធិបតី ក្នុងពិធីសំណេះសំណាល និងបំពាក់គ្រឿងឥស្សរិយយស មេដាយការងារជូនដល់បងប្អូនមន្ត្រីរាជការ លោកគ្រូ អ្នកគ្រូ ដែលកំពុងបម្រើការងារចំណុះឱ្យរដ្ឋបាលក្រុងស្ទឹងសែន សាលាខេត្តកំពង់ធំ នារសៀលថ្ងៃទី១៨ ខែឧសភា ឆ្នាំ២០២៦ ។

ខេត្តស្ទឹងត្រែង៖ នាយកដ្ឋានការងារកុមារ សហការជាមួយមន្ទីរការងារ និងបណ្តុះបណ្តាលវិជ្ជាជីវៈខេត្តស្ទឹងត្រែង នារសៀលថ្ងៃទី១៨ ខែឧសភា ឆ្នាំ២០២៦  ចុះយុទ្ធនាការផ្សព្វផ្សាយ ស្តីពីការបង្ការ ទប់ស្កាត់ការប្រើប្រាស់ពលកម្មកុមារ ជាមួយនិងក្រុមហ៊ុនចំនួន២ គឺក្រុមហ៊ុន សុភក្តិនីកា និងក្រុមហ៊ុន សល សុភាពាណិជ្ជ មានទីតាំងនៅស្រុកសេសានខេត្តស្ទឹងត្រែង។

​ព្រៃវែង៖ នៅព្រឹកថ្ងៃទី១៩ ខែឧសភា ឆ្នាំ២០២៦ ឯកឧត្តម សួន សុម៉ាលីន អភិបាលនៃគណៈអភិបាលខេត្តព្រៃវែង រួមជាមួយថ្នាក់ដឹកនាំខេត្ត បានអញ្ជើញចុះជួបសំណេះសំណាលសួរសុខទុក្ខផ្ទាល់ និងនាំយកថវិកាឧបត្ថម្ភមួយចំនួន ជូនដល់ក្មួយស្រី ម៉ូវ សុផាន់ ដែលជាគ្រូបង្រៀនផ្អែកលើកិច្ចព្រមព្រៀងការងារ (គ្រូកិច្ចសន្យា)។

ឯកឧត្តម ប៊ុន ផេង អភិបាលរងខេត្តកណ្ដាល បានជំនួបពិភាក្សាការងារជាមួយក្រុមការងារអន្តរក្រសួងរួមមាន៖ ក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួងសុខាភិបាល និងអាជ្ញាធរជាតិប្រយុទ្ធប្រឆាំងគ្រឿងញៀន បានប្រជុំក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួងសុខាភិបាល និងអាជ្ញាធរជាតិប្រយុទ្ធប្រឆាំងគ្រឿងញៀន ចុះពិនិត្យ និងវាយតម្លៃគ្រោងនឹងបើកដំណើរការមជ្ឈមណ្ឌលព្យាបាល និងស្តារនីតិសម្បទាអ្នកញៀនគ្រឿងញៀននៅ ខេត្តកណ្តាល

ខេត្តពោធិ៍សាត់៖ ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ និងជាប្រធានគណៈបញ្ជាការឯកភាពរដ្ឋបាលខេត្ត នៅព្រឹកថ្ងៃទី១៩ ខែឧសភា ឆ្នាំ២០២៦ បានអញ្ជើញដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្តពោធិ៍សាត់ ប្រចាំខែឧសភា នៅសាលប្រជុំទេពឧកញ៉ាឃ្លាំងមឿង ដោយមានការចូលរួម ពីសំណាក់លោកអភិបាលរងខេត្ត, លោកអភិបាលក្រុង-ស្រុក, លោកមេបញ្ជាការ មេបញ្ជាការរង កងកម្លាំងប្រដាប់អាវុធទាំងបី ប្រភេទ, តំណាងអយ្យការអមសាលាដំបូងខេត្ត, ប្រធានមន្ទីរអង្គភាពនានាជុំខេត្ត និងមន្ត្រីពាក់ព័ន្ធមួយចំនួនទៀត។ កិច្ចប្រជុំ មានរបៀបវារៈ៖ ១. មតិបើកអង្គប្រជុំ (ដោយឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់) ២. សេចក្តីរាយការណ៍ របស់លោកឧត្តមសេនីយ៍ទោស្នងការនគរបាលខេត្តពោធិ៍សាត់ -ការអនុវត្តច្បាប់ចរាចរណ៍ផ្លូវគោក -បញ្ហាគ្រឿងញៀន -ការអនុវត្តគោលនយោបាយភូមិ-ឃុំ សង្កាត់មានសុវត្ថិភាព -សភាពការណ៍សន្តិសុខតាមខ្សែបន្ទាត់ព្រំដែនកម្ពុជា-ថៃ ៣. សេចក្តីរាយការណ៍អំពីបញ្ហាប្រឈមសំខាន់ៗ របស់រដ្ឋបាលក្រុង-ស្រុក ៤. មតិចូលរួមរបស់សមាជិក សមាជិកាអង្គប្រជុំ ៥. មតិបូកសរុប (ដោយឯកឧត្តម ខូយ រីដា អភិបាល នៃគណៈអភិបាលខេត្ត)។