(ប៉ៃលិន)៖ នៅបរិវេណវត្តរតនៈសោភ័ណ ហៅវត្តកោងកាង នារសៀលថ្ងៃទី០៦ ខែឧសភា ឆ្នា២០២៦ បានប្រារព្វពិធីបើកបវេសនកាលពុទ្ធិកសិក្សា សម្រាប់ឆ្នាំសិក្សា ២០២៦-២០២៧ នៃពុទ្ធិកអនុវិទ្យាល័យសម្តេច ហ៊ុន សែន ប៉ៃលិន ស្ថិតក្រោមព្រះរាជធិបតីភាព សម្តេចព្រះឧត្តមវង្សា គូ សុភាព ព្រះសមាជិកថេរសភា នៃព្រះពុទ្ធសាសនា នៅព្រះរាជាណាចក្រកម្ពុជា និងលោក លោក ម៉ើង លីដា អភិបាលរងខេត្ត ។ ពិធីនេះក៍មានការនិមន្ត និងអញ្ជើញចូលរួមពីព្រះវិជ្ជាកោវិទ សាន ភារ៉េត ព្រះសមាជិកថេរសភា នៃព្រះពុទ្ធសាសនា ,ព្រះមេគណទាំងពីរគណៈ ,ព្រះវិជ្ជារតនញាណ ក្តៀង សារ៉ាត់ អត្ថទាកោ ព្រះបាឡាត់គណ និងជាព្រះនាយកសាលាពុទ្ធិកអនុវិទ្យាល័យសម្តេចហ៊ុន សែន ប៉ៃលិន , ប្រធាន-អនុប្រធានមន្ទីរជុំវិញខេត្ត , ព្រះសង្ឃ ,ពុទ្ធបរិស័ទ្ធ លោកគ្រូ អ្នកគ្រូ និងសិស្សានុសិស្ស យ៉ាងច្រើនកុះករ។

នាល្ងាចថ្ងៃទី០១ ខែឧសភា ឆ្នាំ២០២៦ ឯកឧត្តម លឹម សំអាត សមាជិកក្រុមប្រឹក្សាខេត្តប៉ៃលិន តំណាង ឯកឧត្តម ជា ចាន់ឌិន ប្រធានក្រុមប្រឹក្សាខេត្ត លោក សោ សុវណ្ណ អភិបាលរងខេត្តប៉ៃលិន តំណាងលោកជំទាវ បាន ស្រីមុំ អភិបាល នៃគណៈអភិបាលខេត្ត ព្រះសោភ័ណរតនៈវេទី អ៊ា សុផន ព្រះមេគណខេត្តប៉ៃលិន គណៈមហានិកាយ និងជាព្រះចៅអធិការវត្តពោធិមារាម ហៅវត្តប៉ាហ៊ី បានប្រារព្ធពិធីបុណ្យ វិសាខបូជា ដ៏ឱឡារឹក នៅក្នុងវត្តរតនៈសោភ័ណ ហៅវត្តកោងកាង និង វត្តពោធិមារាម ហៅវត្តប៉ាហ៊ី ស្ថិតក្នុងភូមិវត្ត និង ភូមិប៉ាហ៊ីជើង ក្នុងសង្កាត់ប៉ៃលិន ក្រុងប៉ៃលិន។

ប៉ៃលិន ៖ នៅថ្ងៃទី០១ ខែកញ្ញា ឆ្នាំ២០២៥ លោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន បានអញ្ជើញដឹកនាំកិច្ចប្រជុំស្តីពីការត្រួតពិនិត្យ ការងារគ្រប់គ្រងសំណង់នានា ដែលគ្មានច្បាប់អនុញ្ញាតសាងសង់ ក្នុងភូមិសាស្រ្តខេត្តប៉ៃលិន។

ប៉ៃលិន៖ ថ្ងៃទី០៩ ខែកញ្ញា ឆ្នាំ២០២៥ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន អមដំណើរដោយមន្ត្រីជំនាញ និងអាជ្ញាធរមូលដ្ឋានបានអញ្ជើញពិនិត្យមើលនៅចំណុចជ្រោះសែនសុខ ដើម្បីគ្រោងធ្វើការកែលម្អបន្ថែម ប្រកបដោយសោភណភាព ក្នុងគោលបំណង លើកកម្ពស់វិស័យទេសចរណ៍ក្នុងខេត្ត ដែលជាកត្តាជួយជំរុញកំណើនសេដ្ឋកិច្ច និងជីវភាពរស់នៅប្រចាំថ្ងៃរបស់ប្រជាពលរដ្ឋ ។