អភិបាលខេត្តកំពតបានលើកឡើងថា ផ្លែឈើ នំចំណី ម្ហូបអាហារ របស់បងប្អូនប្រជាពលរដ្ឋខេត្តកំពត មានឱជារសឆ្ងាញ់ពិសារណាស់ ហើយវាបានដើរតួយ៉ាងសំខាន់ក្នុងការទាក់ទាញភ្ញៀវទេសចរឲ្យមកលេងខេត្តកំពត ក្នុងរដូវកាលបៃតងនេះ។ ដូច្នេះ សូមកសិករ អ្នកផលិត សហគមន៍ និងអាជីវករទាំងអស់ ចូលរួមថែរក្សាកិត្តិយស កិត្តិនាមទុរេនកំពត និងកេរដំណែលនំចំណី ម្ហូបអាហារទាំងនេះឲ្យបានល្អ ដើម្បីលើកកម្ពស់វិស័យទេសចរណ៍ កសិកម្ម និងផ្សព្វផ្សាយអត្តសញ្ញាណម្ហូបអាហារ និងផលិតផលក្នុងស្រុករបស់ខេត្តកំពតឱ្យកាន់តែទូលំទូលាយ។

បាត់ដំបង៖ កម្លាំងនគរបាលស្រុកឯកភ្នំ បានឃាត់ខ្លួនយុវជនទំនើងចំនួន ០២ នាក់ភ្លាមៗ បន្ទាប់ពីពួកគេបានជិះម៉ូតូបង្ហោះយ៉ាងអាណាធិបតេយ្យតាមដងផ្លូវសាធារណៈ បង្កការរំខាន និងគ្រោះថ្នាក់ដល់អ្នកធ្វើដំណើរ។ ការឃាត់ខ្លួននេះបានកើតឡើងនៅថ្ងៃទី ០១ ខែមិថុនា ឆ្នាំ ២០២៦ លើផ្លូវកៅស៊ូ ក្នុងភូមិព្រែកនរិន្ទ ឃុំព្រែកនរិន្ទ ស្រុកឯកភ្នំ ខេត្តបាត់ដំបង។