រដ្ឋបាលខេត្តពោធិ៍សាត់ ប្រជុំត្រៀមលក្ខណៈទទួលបដិសណ្ឋារកិច្ច សម្តេចតេជោ ហ៊ុន សែន ប្រមុខរដ្ឋស្តីទី

រដ្ឋបាលខេត្តពោធិ៍សាត់ បានបើកកិច្ចប្រជុំត្រួតពិនិត្យវឌ្ឍនភាពការងារ រៀបចំទទួលបដិសណ្ឋារកិច្ច សម្ដេចអគ្គមហាសេនាធិបតី តេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា អញ្ញើញជួបសំណេះសំណាលជាមួយក្រុមប្រឹក្សាខេត្ត ស្រុក ក្រុង ឃុំ សង្កាត់ និងមន្ទីរ អង្គភាពជុំវិញខេត្ត ស្ថិតនៅសាលប្រជុំកោះសំពៅមាសជាន់ទីមួយ សាលាខេត្ត នារសៀលថ្ងៃទី២៩ ខែឧសភា ឆ្នាំ២០២៦។ ក្រោមអធិបតីភាព ឯកឧត្តមនាយឧត្តមសេនីយ៍ សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី ដោយមានការចូលរួមពីឯកឧត្តម ម៉ក់ រ៉ា ប្រធានក្រុមប្រឹក្សាខេត្ត ឯកឧត្តម ខូយ រីដា អភិបាលនៃគណៈអភិបាលខេត្ត អភិបាលរងខេត្ត នាយក នាយករងរដ្ឋបាលសាលាខេត្ត មន្ទីរអង្គភាពជុំវិញខេត្ត កងកម្លាំប្រដាប់អាវុធទាំងបី អភិបាលក្រុង ស្រុក ឃុំ សង្កាត់ ជាច្រើនរូបទៀត។